depurimpianti

DepurImpianti

Kjo faqe interneti ka për qëllim ti vijë në ndihmë të gjithë atyre personave që kanë probleme me shkarkimet e ujërave të ndotura urbane dhe industriale. Qëllimi jonë kryesor është që të mundësojmë informacion për metodat e ndryshme të trajtimit të ujërave të ndotura urbane dhe industriale, si edhe për impiantet që bëjnë trajtimin e tyre. Kjo do të shërbej si një pikë referimi për klientët dhe profesionistët e kësaj fushe, që dëshirojnë më shumë informacion dhe konsulencë.
Ne zotërojmë njohuri mbi të gjitha teknologjitë bashkohore që disponohen në sektorin e trajtimit të ujërave të ndotura urbane dhe industriale. Gjithashtu, ofrojmë ndihmë në projektimin, realizimin si dhe menaxhimin e
IMPIANTEVE Të UJRAVE Të NDOTURA URBANE DHE INDUSTRIALE.
Stafi jonë me experiencë shumëvjecare në këtë fushë realizon impiantet e trajtimit të ujit të ndotur që nga momenti i studimit të projektit, projektimin e tyre si dhe ofron asistencë gjatë menaxhimit të tyre.

DepurImpianti

Ofrojmë impiante, makineri, konsulencë nga staf teknik, rregullime dhe shërbime të tjera në sektorin e trajtimit të ujërave të ndotura shtëpiake dhe industriale.
Impiantet me procese biologjike janë të përshtatshëm për të trajtuar shkarkimet e ujërave të ndotura nga shtëpitë, hotelet, restorantet, industria ushqimore (baxho, fabrika të përpunimit të qumështit, fabrika lëngjesh, përpunimit të frutave /perimeve, therëtore, fabrika të përpunimit të mishit, kantinave, distilerive, etj.), të industrisë tekstile dhe ngjyruese, dhe për të gjitha shkarkimet e tjera që mund të trajtohen nëpërmjet proceseve biologjike.
Impiantet e vegjël dhe ato me dimensione mesatare realizohen paraprakisht në fabrik, në karpenteri metalike si versione të montuara. Impiantet e mëdha të trajtimit të ujërave të ndotura realizohen në terren me beton.
Impiantet projektohen dhe realizohen bazuar në kriteret e sigurisë maksimale, duke rritur besimin e klientit. Zyra jonë teknike i përkushton kujdes të veçantë zgjedhjes së paisjeve me qëllim që të përmirësoj funksionimin e impiantit gjatë kohë zgjatjes së përdorimit.
Ne realizojmë të githa fazat e ndërtimit të impiantit, ku një kujdes i vecantë i dedikohet njësisë së trajtimit. Kompania jonë merret me projektimin, ndërtimin, instalimin dhe kolaudimin e njësisë së trajtimit biologjik. Personeli teknik i kompanisë është i specializuar në cështjet e trajtimit të ujit të ndotur dhe ka eksperiencë shumë vjecare.